失戀係會令人成長嘅。我失戀之前,一向都覺得世界上所有問題都有答案。
點解我哋每日都要8點鐘起身返工啊?因為夠鐘囉!
點解我哋有夠鐘呢樣嘢啊?因為我哋唔用浮動上班時間囉。
點解呢個世界有戰爭?因為我哋有武器羅。
咁點解我哋要有武器啊?因為佢哋有武器囉。
一切都有答案,直到我失戀。
阿珍,點解你唔愛我?阿珍畀咗一個經典嘅答覆我,佢話:“愛情係冇點解嘎,係唔可以解釋嘎,唔好問啦。”(記緊呢句啦)
如果番學阿sir問我嘢都可以咁答就好啦!“黃子華,物体燃燒點解需要氧氣啊?”
“阿sir,係冇點解嘎,係唔可以解釋嘎,唔好問我啦!”











































